Polisi: Hatuhusiki na kupotea kwa Sheikh Farid

Kamshna wa Polisi Zanzibar Musa Ali Musa

Jeshi la Polisi Viwani Zanzibar limekanusha vikali kuhusika na kupotea kwa Sheik Farid Hadi Ahmed Kiongozi wa kundi la Uamsho ambaye alipatikana juzi usiku baada ya kupotea kwa siku tatu na badala yake limesema linamhoji Sheikh huyo aeleze alikuwa wapi kwa muda wote huo .

Akizungumza na Waandishi wa Habari Kamishna wa Polisi viwani Zanzabar Musa Ali Musa amesema Jeshi lake halihusiku kwa namna yoyote kama ambavyo Sheikh huyo alinavyodai.

Baada ya kurudi alikokuwa ametoweka Sheikh Farid anadai alitekwa na watu wenye bunduki waliokuwa wamefunika nyuzo zao ambao pia walimfunika macho kwa kitambaa na kumpeleka mahali pasipo julikana ambapo walimhoji mambo mbali mbali.

Sheikh Farid Hadi Ahmed (Picha kwa hisani ya Global Publishers)

Kamishna Musa anasema kwa sasa Jeshi la Polisi linamhoji ili aeleze alipokuwa kwa muda wote ili kujua ukweli wa sakata hilo

"Jeshi la Polisi linakanusha katika sakata la kutekwa kwa kiongozi huyo wa Uamsho ... tunamhoji kujua ukweli wa tukio hilo zima". Amesema

Hadi sasa haijajulikana Jeshi la Polisi litachukua hatua gani dhidi yake baada ya kumhoji baada ya matukio kadhaa yaliyoambatana na kutoweka kwake kutikisa visiwa vya Zanzibar

Katika siku tatu mfuliluzo baada ya kutoweka kwake wafuasi wanaodaiwa kuwa ni wa kundi la Uamsho walifanya vurugu ikiwa ni pamoja na kuchoma makanisa na kuharibu mali.