Balozi wa Tanzania akanusha kupewa saa 48 kuondoka Malawi

Balozi wa Tanzania nchini Malawi Patric Tsere

Habari ambazo tumezipata hivi punde kutoka katika baadhi ya vyombo vya habari ni kwamba Balozi wa Tanzania nchini Malawi Patric Tsere amekanusha taarifa za kupewa masaa 48 kuondoka nchini Malawi ambazo zilichapishwa hapo jana na gazeti la Malawi Voice katika mtandao wake wa malawivoice.com.

Tsere amesema amesema taarifa hizo ambazo zimezagaa katika mitandao na kwenye baadhi ya vyombo vya habari vya Tanzania na Malawi hazina ukweli wowote zina nia ya kuharibu uhusiano baina ya Tanzania na Malawi.