Msiba mwingine: Jackson Makwetta hatunaye duniani

Marehemu Jackson Makwetta

Waziri wa zamani Jackson Makwetta amefariki dunia jioni ya leo.

Kwa mujibu wa taarifa iliyotolewa na Ofisi ya Waziri Mkuu Marehemu Makwetta amefariki jioni ya leo katika hosptali ya Taifa ya Muhimbili nchini Tanzania.

Marehemu Makwetta atakumbukwa sana katika utumishi wake kwenye serikali ya awamu ya kwanza na hasa alipokuwa Waziri wa Elimu.

Taarifa kamili ya serikali hii hapa chini

SERIKALI inasikitika kutangaza kifo cha Bw. Jackson Makwetta kilichotokea leo saa 11 jioni katika Hospitali ya Taifa Muhimbili ya jijini Dar es Salaam ambako alikuwa amelazwa.

Msiba uko nyumbani kwake Boko kwa Wagogo. Taarifa zaidi kuhusu mipango ya mazishi zitatolewa baadaye.

Bw. Makweta aliwahi kuwa Waziri katika wizara mbalimbali zikiwemo Ofisi ya Waziri Mkuu kama Waziri wa Nchi, Elimu, Kilimo na Utumishi.

Pia amekuwa Mbunge kwa zaidi ya miaka 35.

 (mwisho)

IMETOLEWA NA:

OFISI YA WAZIRI MKUU,

DODOMA.

JUMAMOSI, NOVEMBA 17, 2012.